Çekdarên Wagnerê û Artêşa Rûsyayê pev dikevin
Target – Qamişlo
Çekdarên Wagenerê yên ku li jêr fermana Wezareta Parastinê ya Rûsyayê şer dikirin, îroj li hember desthilata Moskoyê serî hildidin.
Serokê Wagnerê Yevgeny Prigogine got ku Artêşa Rûsyayê li Ukraynayê êrîşî “hêzên wî” kiriye û li bara vê yekê serîhildanek ragihand.
Her wekî eşkere kir ku dê di demeka nêzîk de serokekî nû li şûna Putin seroktîya Rûsyayê werbigire, lê piştî wê bi çend saetan ji gotina xwe vegerîya.
Di heman çarçoveyê de, bersiv da serokê Rûsyayê jî û got ku “dê yek ji hêzên wî jî xwe radest neke”
Li hêleka din Serokê Rûsyayê Vlademir Putin hişyarî da “Wagner”ê û got ku “dê mîna xayînan werin cezakirin.”
Di warê meydanî de jî, Wagnerê got ku wan li başûrê Rûsyayê dest danîye ser bajarê Rostovê yê li nêzî Ukraynayê û berê xwe daye Moskoyê.
Hêjayî gotinê ye ku çekdarên Wagnerê li jêr fermana Rûsyayê, li Ukrayna, Sûrîya, Lîbya û Afrîkayê şer dikin û xwedî hejmareka mezin a çekdaran in.