Şandeyeka YPG û YPJyê li Parlamentoya Fransayê ye

Target – Qamişlo

Navenda Ragihandinê ya HSDyê îroj pêncşemê li ser malpera xwe ya fermî ragihand ku şendeyeka leşkerî ji Bakur û Rojhilatê Sûrîyayê beşdarî rûniştineka Parlamentoya Franasyê dibe.

Li gor HSDyê, komîteyek ji Parlamentoya Franasyê pêşwazîya Berdevkê YPGyê Nûrî Mehmûd û Berdevka YPJyê Roksan Mihemed û niwênerê Birêveberîya Xweser li Fransayê Xalid Îsa kir.

HSDyê da zanîn ku bi beşdarîya şandeya leşkerî civînek hat lidarxistin û /2/ saetan dom kir.

HSDyê dîyar kir ku di wê rûnişitnê de, babetên wekî, şerê li dij terorîstên DAIŞê û hin welatên ku dixwazin wan zindî bikin, krîza Sûrîyayê, rewşa Bakur û Rojhilatê Sûrîyayê hatine gotûbêjkirin.

Her wiha qala binpêkirinên Tirkîya û peyayên wê li Efrînê, şoreşa li Bakur û Rojhilatê Sûrîyayê ku jin pêşengtîya wê dike jî hatiye kirin.

HSDyê got ku şandeya leşkerî behsa têkoşîna YPJyê ya li dij DAIŞê kiriye û bal kişandiye ser wê yekê ku “tevî ku berdêlên giran hatine dayîn lê Tirkîyaya dagîrker fermandaran dike armanc”

Hêjayî gotinê ye ku berî niha heman şande li Senotya Fransayê bû û li wir YPG û YPJyê xelatên rûmetê wergirtin.